Названы найлепшыя прадукты для абароны сэрца ў спякоту

Спецыялісты Еўрапейскай асацыяцыі кардыёлагаў апублікавалі свае рэкамендацыі.

Як вядома ў гарачую пару года звычайна абвастраюцца хваробы сэрца і сасудаў.

Спецыялісты Еўрапейскай асацыяцыі кардыёлагаў рэкамендуюць павялічыць у летні час прыём прадуктаў, якія здольныя прыродным шляхам падтрымліваць нармальную працу сардэчна-сасудзістай сістэмы, піша cursorinfo.co.il.

Прыемна тое, што ў рэкамендаваны пералік прадуктаў уваходзяць даступныя садавіна і гародніна, якой у летні перыяд на прылаўках крам і рынкаў багата. Спецыялісты рэкамендуюць ужываць пятрушку, сок зеляніны якой спрыяе паніжэнню ціску.

Магній, які ў дастатковай колькасці ўтрымліваецца ў памідорах, умацоўвае сардэчную цягліцу, а досыць папулярны лікапін, які выступае ў якасці антыаксіданта, аказвае на сасуды танізавальнае дзеянне.

Таксама спецыялісты рэкамендуюць ужываць капусту. У яе склад уваходзіць вітамін С і клятчатка. Капуста славіцца сваёй здольнасцю «чысціць» сасуды ад закаркавання, а таксама магчымасцю выводзіць тлушч і таксіны.

Абрыкосы ўтрымліваюць шмат калію, а калій, як вядома, жыццёва неабходны для падтрымання працы сэрца. Сок абрыкоса паніжае ціск, але праз тое, што ён утрымлівае шмат фруктовых цукраў, не варта піць больш за дзве шклянкі на дзень.

Цёмны вінаград багаты вітамінамі і спрыяе вываду вадкасці з арганізма. Лекары таксама не рэкамендуюць піць шмат вінаграднага соку з прычыны ўтрымання ў ім вялікай колькасці цукру.