Работнікі МАПІДа патрабуюць новых выбараў і вызвалення палітвязняў

Выстаўлены ўльтыматум.

Работнікі ўсіх упраўленняў МАПІДа падпісалі заяву на імя гендырэктара прадпрыемства. У ёй - патрабаванне пра непрызнанне вынікаў прэзідэнцкіх выбараў, патрабаванне новых выбараў, спыненне гвалту на вуліцах з боку сілавікоў і вызвалення ўсіх палітвязняў, затрыманых падчас акцый пратэсту. Заяву з подпісамі перададуць у аўторак, паведамляе «Еўрарадыё».

Як даведаліся журналісты, работнікі МАПІДа ў выпадку невыканання патрабаванняў у найбліжэйшую пятніцу пачнуць бестэрміновую забастоўку. Таксама прынятая пастанова, што МАПІД цалкам выходзіць з дзяржаўнага прафзвязу.

МАПІД - найбуйнейшае ў нашай краіне будаўнічае прадпрыемства.