У Менску адключылі мабільны інтэрнэт

Цяжкасці з доступам у інтэрнэт пачаліся пад 15 гадзін ва ўсіх трох аператараў.

Падчас Маршу міру і незалежнасці ў Менску пачаліся праблемы з мабільным інтэрнэтам, паведамляюць naviny.media.

Цяжкасці з доступам у інтэрнэт пачаліся пад 15 гадзін ва ўсіх трох аператараў - А1, МТС і Life.

Такая ж сітуацыя назіралася тыдзень таму, 23 жніўня. Мабільны інтэрнэт у Менску быў недаступны некалькі гадзін. У А1 тады заявілі, што «на патрабаванні дзяржаўных органаў у сувязі з забеспячэннем нацыянальнай бяспекі істотна зніжана прапускная здольнасць 3G-сетцы. Выкананне гэтага патрабавання прыводзіць да пагаршэння якасці сэрвісу перадачы звестак».