Беларусы – сілавікам: Адмоўцеся выконваць загад нелегітымнага ўзурпатара
12- 23.09.2020, 14:30
- 25,758
Ён уцячэ, а вас пакіне.
Складзіце шчыты і адмоўцеся выконваць загад нелегітымнага ўзурпатара. Ён уцячэ, а вас пакіне!
«Сілавікі, да вас звяртаюцца беларусы! – піша чытач тэлеграм-канал “Баста!”. – Мы – вашы суседзі, нашы дзеці ў адну школу ходзяць, мы – той самы народ, які вы кляліся абараняць падчас прысягі.
Сёння Лукашэнка незаконна ўзурпаваў уладу – ён парушыў Канстытуцыю. Вы абавязаныя ўстаць калі не на бок народа, то на бок Канстытуцыі ўжо дакладна. Сённяшняя ноч можа стаць апошняй для ўзурпатара ў гэтай краіне і ўжо раніцай ён будзе здымаць відэа з Растова са словамі “Спыніцеся!”
Не чакайце гэтага моманту, бо тады ўжо будзе позна "каяцца". Гэтым вечарам, сёння, складзіце шчыты і адмоўцеся выконваць загад нелегітымнага ўзурпатара. Той з вас, хто так зробіць сёння вечарам – заслужыць народную амністыю! Той з вас, хто да паўночы сённяшняга дня не складзе шчыты – памагаты ўзурпатара. Лукашэнка ўцячэ, а вас пакіне. Падумайце пра гэта. Складзіце шчыты!
Жанчыны, чые сыны або мужы служаць у АМАП, МУС, УВ і КДБ, адпраўце свайму сыну ці мужу кароткае смс: Складзіце шчыты! Ён уцячэ, а вас пакіне!»