Студэнтка БДУКіМ: Немагчыма прымаць узнагароды ад такой улады

Патрыцыя Свіціна публічна адмовілася ад стыпендыі Лукашэнкі.

На днях студэнтка трэцяга курса кафедры этналогіі і фальклору Беларускага дзяржаўнага ўніверсітэта культуры і мастацтваў Патрыцыя Свіціна публічна адмовілася ад лукашэнкаўскай стыпендыі для таленавітай моладзі.

Дзяўчына распавяла сайту Charter97.org, што ўважае за немагчымае прымаць нейкія ўзнагароды ад улады, якая знішчае свой народ і якой важна паклапаціцца толькі аб тым, каб усядзець на сваім крэсле.

Патрыцыя выступіла з такой прамовай публічна падчас уручэння граматы.

«У нашым універсітэце і не толькі ўсе яшчэ шмат людзей, якія застаюцца ў баку ад цяперашніх падзей. І я вызначыла, што гэта будзе добрым прыкладам або штуршком да дзеянняў. Заўсёды хтосьці павінен быць першым, і трэба паказваць, што такое магчымае. Як следства, ва ўніверсітэце хаця б пачалі казаць актыўна пра гэта, пра тое, што адбываецца. Як на ўзроўні студэнтаў, так і вышэйшым».

Студэнтка ўніверсітэта культуры не шкадуе пра свой учынак, наадварот, яна ўсведамляе ўсе магчымыя наступствы, а таксама атрымлівае вялікую падтрымку з боку блізкіх і калегаў з універсітэта.

«Я разумела, што рэакцыя можа быць і радыкальнай, аж да адлічэння. Але і зразумела, што трэба нешта рабіць.

Мая мама мяне заўсёды вельмі падтрымлівае і дапамагае мне. У нас пазіцыі ў гэтым плане падобныя. Я ёй казала, што думаю, каб так зрабіць, але яна не чакала, што я гэта зраблю сапраўды, бо я чалавек даволі асцярожны і заўсёды прадумваю ўсе дзеянні. Астатняя ж сям'я даведалася з каналаў навін.

Мне дагэтуль піша вельмі шмат людзей ва ўсіх сацсетках і мэсэнджарах, як знаёмыя так і не, са словамі падтрымкі і падзякі. Хоць былі і такія, што пісалі з пасылам, што, мажліва, дарма - шкада, грошы ж. Таксама ёсць тыя, што паказваюць на тое, што я павінна разумець: калi адмаўляюся, то не толькі ад дыплома, але і грашовай узнагароды, якую атрымала раней, у самым пачатку лета. Адказваю ўсім адразу. Я напісала заяву на адмову ў раду спецфонду і буду вяртаць сродкі».

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com