Стасевіч і Філіпенка сышлі з БАТЭ

Абодва футбалісты былі гульцамі асноўнага складу.

Абаронца Ягор Філіпенка і паўабаронца Ігар Стасевіч рассталіся з футбольным клубам БАТЭ, паведамляецца на афіцыйным сайце каманды з Барысава.

За ўсе гады ў складзе «жоўта-сініх» Стасевіч правёў 413 афіцыйных матчаў (у 149 з іх быў капітанам), удзельнічаў у 267 пераможных паядынках, забіў 63 галы і аддаў 140 дзейсных перадач.

У Філіпенкі ў суме за гады ў БАТЭ (2006-2007, 2011-2014, 2018-2020) у актыве 236 афіцыйных матчаў (21 у якасці капітана), 134 пераможныя паядынкі, 13 галоў і 10 выніковых перадач.