Байдэн эмацыйна выступіў перад ад'ездам на інаўгурацыю
16- 20.01.2021, 11:18
- 11,886
Палітык не стрымаў слёз.
Абраны прэзідэнт Джо Байдэн не стрымаў слёз падчас развітальнай прамовы ў яго родным штаце Дэлавэр перад ад'ездам на інаўгурацыю ў Вашынгтон, паведамляе nv.ua.
Мерапрыемства адбывалася ў цэнтры Нацгвардыі, названым у гонар памерлага сына Байдэна Бо.
Байдэн пачаў прамову з падзякі сваёй сям'і, чальцам каманды і сябрам, пасля чаго заплакаў.
«Гэта крыху эмацыйна для мяне. Мы прайшлі ўсю маю кар'еру, прайшлі праз добрыя і дрэнныя часы, і я хачу падзякаваць вам за ўсё. Маім таварышам з штата Дэлавэр ад імя ўсёй сям'і Байдэнаў, прысутнай тут сёння, я хачу выказаць, як шмат вы значыце для мяне і для кожнага з нас», - сказаў ён.
Ён успамінаў сустрэчу са сваёй жонкай Джыл у Дэлавэр, і пра тое, як яго нябожчык сын любіў гэты штат.
Абраны прэзідэнт назваў Дэлавэр «месцам, якое лепш за ўсё вызначае, хто такія амерыканцы».
Затым ён расплакаўся на словах: «Калі я памру, Дэлавэр будзе ўпісаны ў маё сэрца, і ў сэрцы ўсіх нас, усіх Байдэнаў».
Ён дадаў, што асабліва ганарыцца тым, што знаходзіцца ў месцы, якое названае ў гонар ягонага сына і зноў не стрымаў слёз.
«Спадары і спадарыні, я шкадую толькі аб адным: Бо няма тут, бо мы павінны былі прадставіць яго як прэзідэнта», - сказаў Байдэн.
Інаўгурацыя абранага прэзідэнта ЗША Джо Байдэна адбудзецца 20 студзеня.
З-за штурму Капітолія цырымонія пройдзе з беспрэцэдэнтнымі мерамі бяспекі. Вакол будынка Кангрэса, на прыступках якога традыцыйна прыносіць клятву новы прэзідэнт, усталявалі трохметровы паркан. У Вашынгтон сцягнулі да 25 тысяч вайскоўцаў Нацгвардыі ЗША. Капітолій закрыюць для публікі, а трапіць на цырымонію можна будзе толькі з квітком.