Медыкі назвалі тры «вочныя» сімптомы каранавіруса
1- 21.01.2021, 15:12
- 16,212
Экспэрты вывучылі дзённікі самаадчування 83 пацыентаў.
Праблемы са зрокам могуць сведчыць аб заражэнні COVID-19. Да такой высновы прыйшлі навукоўцы з Універсітэта Англія Раскін падчас новага даследавання. Вынікі працы апублікаваныя ў British Medical Journal.
Экспэрты вывучылі дзённікі самаадчування 83 пацыентаў з каранавірусам. Выявілася, што 18% адсоткаў удзельнікаў даследавання пасля заражэння скардзіліся на святлабоязь, у 17% узнікаў боль у вачах, у 16% з'яўляўся сверб ля вачэй.
Пры гэтым ва ўсіх даследаваных пацыентаў «вочныя» сімптомы COVID-19 узнікалі пасля асноўных (кашаль, страта нюху і ліхаманка). Доўжыліся яны менш за два тыдні.
Са слоў даследнікаў, гэтыя прыкметы не заўсёды кажуць пра інфікаванне каранавірусам, але ў выпадку іх з'яўлення варта схадзіць да лекара.