Хуткасць вымірання расейскага бізнэсу ўстанавіла шматгадовы рэкорд

Колькасць дзейных кампаній у Расеі няўхільна падае пяты год запар.

Расейская эканоміка прадаўжае працаваць у рэжыме «крэматорыя», штогод спальваеце дзясяткі тысяч «трупаў» кампаній - ад малых да вялікіх, піша finanz.ru.

За 2020 год агульная колькасць юрыдычных асоб у краіне скарацілася яшчэ на 8,2%, да 3 436 556, гаворыцца ў аглядзе Цэнтра макраэканамічнага аналізу і кароткатэрміновага прагназавання.

Годам раней скарачэнне склала 8,3%. Такім чынам, за два гады эканоміка страціла кожны шосты бізнэс, або больш як 600 тысяч юрыдычных асоб.

Колькасць дзейных кампаній у Расеі няўхільна падае пяты год запар.

Працэс, які пачаўся ў 2016 годзе на фоне рэцэсіі, падзення рубля і даходаў насельніцтва, не ўдалося спыніць ні абяцаннямі «прарыву», ні стабілізацыяй эканомікі.

Пандэмія 2020 года, з рэжымам непрацоўных дзён і новым вітком збяднення спажыўцоў, паскорыла выміранне бізнэсу да рэкордных тэмпаў як мінімум за апошнія 8 гадоў, вынікае са звестак ЦМАКП.

На адну адкрытую кампанію прыпадала 2,3 тых, што спынілі сваю дзейнасць. Годам раней гэтыя суадносіны складалі 2,1, у 2018-м - 1,8.

Колькасць новых юрыдычных асоб, адкрытых у краіне за год, скарацілася на 24,9%, да 240 893.

Хвалі банкруцтваў пры гэтым атрымалася пазбегнуць: з красавіка да снежня дзейнічаў мараторый. У выніку колькасць юрыдычных асоб, якія спынілі дзейнасць, знізілася на 16,7% у параўнанні з 2019 годам - 548 954 кампаніі.

З іх толькі 12% прайшлі працэдуру ліквідацыі, у тым ліку праз банкруцтва. З 30 найбуйнейшых банкруцтваў 11 прыпалі на сферу гандлю, што пацярпела ад чарговага падзення даходаў насельніцтва на 11% у параўнанні з 2013 годам.

У студзені мараторый быў зняты, і цяпер узнікае нявызначанасць: ці будзе за пандэміяй каранавіруса эпідэмія банкруцтваў.

Гаворка ідзе пра прыкладна 2 тысячы кампаній, «якія выпалі» са статыстыкі мінулага года, сярод якіх 200 - гэта сярэдні і буйны бізнэс з прыбыткам ад 800 млн рублёў на год, адзначае ЦМАКП.

Малы і сярэдні бізнэс за год недаатрымаў 2,8 трыльёна рублёў прыбытку, падлічылі аналітыкі Нацыянальнага рэйтынгавага агенцтва (НРА).

У грашовым вылічэнні мацней за ўсё пацярпеў аптовы гандаль (мінус 1,7 трлн рублёў), у адносным - турыстычны бізнэс, які страціў 70% абарачэння.

Дзяржава кампенсавала прадпрымальнікам толькі 10% недаатрыманых даходаў: фінансавая падтрымка малога бізнэсу склала 290 рублёў, ацэньвае НРА.

Асноўны эканамічны ўдар ад каранавіруснай атакі ва ўсім свеце, уключаючы Расею, адчулі на сабе малыя прадпрыемствы і прадпрыемствы прыватнага бізнэсу; пры гэтым што большая частка дзяржаўных эканамічных бонусаў прыпала на прадпрыемствы буйнога прамысловага бізнэсу, у тым ліку на галінаўтваральныя і стратэгічныя прадпрыемствы, якія наўпрост (па тыпу ўласнасці) або ўскосна (праз дзяржзаказы) афіляваныя з дзяржавай, а дзяржава «сваіх не пакідае», адзначае дырэктар Цэнтра кан'юнктурных даследаванняў ВШЭ Георгій Астапковіч.

Вынікам каранавіруснага крызісу можа стаць новы віток адзяржаўлення эканомікі, мяркуе экспэрт.