Камунальнікі занятыя здыманнем стужачак і сцягоў?

У Менску - чарговыя камунальныя НЗ.

У мікрараёнах Паўднёвы Захад і Малінаўка некалькі дамоў засталіся без гарачай вады і цяпла. Пра гэта tut.by паведамілі чытачы.

Менчукі паведамілі, што гарачая вада і ацяпленне зніклі ў доме 22/1 на вуліцы Голубева, на вуліцы Касманаўтаў, з 4-га да 18-га дома, у дамах на вуліцы Бялецкага і праспекце Любімава, на вуліцы Ясеніна 58, 60, 62, 64.

- У 115 не датэлефанавацца, 120 чалавек у чарзе. У ЖЭСе слухаўку не здымаюць, - піша нам чытач. Людзі кажуць, што ў кватэрах становіцца адчувальна холадна.

Раней чытачы паведамлялі пра «раку кіпню» на вуліцы Ясеніна - прарвала трубу.

Гарачай вады і цяпла няма і ў Міхалова - на вуліцы Брыля, Астрожскіх, а таксама ў дамах па вуліцы Слабадской і Рафіева.

- Добры вечар. Менск, вуліца Громава няма ацяплення і гарачай вады, - піша нам яшчэ адзін чытач. З яго слоў, аварыйныя службы кажуць, што на ліквідацыю аварыі сыдзе да дня.

У бацькоўскім чаце 10-й гімназіі папярэдзілі, што праз НЗ з прарывам трубы, заўтра заняткаў не будзе - іх пераносяць на суботу.

Тэлеграм-канал «Отчислено» піша, што ў 2 інтэрнаце БДУІР на вуліцы Л. Бяды прарвала трубы на 4 паверсе.

- На відэа - 2 паверх. Патоп закрануў шмат жылых блокаў - дзяцей чакае вясёлая ноч.