У Маскве велізарная калона рухаецца па Садовым коле ў бок ізалятара «Матроская цішыня»
14- 23.01.2021, 18:50
- 21,365
Менавіта там цяпер знаходзіцца Аляксей Навальны.
У Маскве працягваецца акцыя ў падтрымку апазіцыйнага палітыка Аляксея Навальнага. Частка пратэстоўцаў, выціснутая паліцыянтамі з Пушкінскай плошчы, выйшла на бульварнае кола і дайшла да Трубнай плошчы. Як паведамляе з месца падзей «Эхо Москвы», паліцыянты затрымліваюць тых, хто стаіць каля будынкаў, а людзі ідуць плынямі ў бок метро і Садовага кола. У цэлым, адзначае карэспандэнт, затрыманні праходзяць жорстка.
Проста зараз велізарная калона рухаецца па Садовым коле ў бок ізалятара «Матроская цішыня». Не відаць ні пачатку, ні канца грамады, піша тэлеграм-канал «Баста». Менавіта там цяпер знаходзіцца Аляксей Навальны.
Адзначым, што ў Маскве сярод затрыманых апынуліся Юлія Навальная, Любоў Собаль, Леў Шлосберг. Як паведамляе «МБХ медіа», Юлію Навальную ўжо выпусцілі з пастарунку.
Нагадаем, што 17 студзеня Навальны вярнуўся ў Расею і адразу ж быў затрыманы, а затым арыштаваны на 30 дзён.