Да +7°C будзе ў асобных раёнах Беларусі 25 студзеня
- 24.01.2021, 15:58
- 10,261
Будет преобладать облачная погода.
У асобных раёнах Беларусі 25 студзеня захаваецца туман, на дарогах - галалёдзіца, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
Будзе пераважаць воблачнае надвор'е. На большай частцы тэрыторыі ападкі: дождж, мокры снег. Удзень месцамі ў заходніх раёнах моцны снег. Вецер паўднёвы, паўднёва-ўсходні сярэдні, удзень месцамі парывісты.
Тэмпература паветра ўначы складзе 3 марозу да 3 цяпла. Удзень будзе ад нуля да 5 градусаў цяпла, у Гомельскай вобласці - да 7 вышэй за нуль.
26 студзеня ў заходняй палове Беларусі чакаюцца моцныя ападкі з перавагай мокрага снегу, месцамі наліпанне мокрага снегу. Уначы ў паўднёва-заходніх раёнах, удзень на большай частцы тэрыторыі краіны чакаецца ўзмацненне ветру, з парывамі да 15-20 м/с.