Украіна выходзіць з локдаўна: як змянілася сітуацыя з эпідэміяй каранавіруса

Ва ўкраінскім Міністэрстве аховы здароўя плануюць вярнуцца да адаптыўнага карантыну.

Сёння ва Украіне заканчваецца дзеянне каранавіруснага локдаўна. У Міністэрстве аховы здароўя сцвярджаюць, што за два тыдні дзеяння абмежаванняў сітуацыя з захворваннем на каранавірус у краіне палепшылася, на 24 студзеня ва Украіне пацвердзілі амаль чатыры тысячы новых выпадкаў COVID-19, піша «Зеркало недели. Украина».

Паводле інфармацыі маніторынгу Рады нацыянальнай бяспекі і абароны, на сённяшні дзень сярэдні паказчык загружанасці ложкаў у краіне складае 27,4%. Ва ўсіх абласцях ён ніжэйшы за гранічны ўзровень.

Узровень інцыдэнтнасці ва ўсіх рэгіёнах краіны перавышае нармальны паказчык. Розрух выяўлення новых выпадкаў захворвання прыпаў на 15-19 студзеня.

Узровень захворвання перавышае гранічна дапушчальную адзнаку 320 выпадкаў на 100 тысяч насельніцтва ў Запарожскай і Мікалаеўскай абласцях, набліжаецца - у Чаркаскай і Чарнавіцкай, а таксама ў Кіеве. Базавы ўзровень захворвання (40 чалавек на 100 тысяч) перавышаны ва ўсіх абласцях краіны, гранічны - больш чым у палове рэгіёнаў.

Актыўных хворых больш у Кіеве, Мікалаеўскай, Запарожскай, Чарнігаўскай, Чарнавіцкай і Кіеўскай абласцях. Менш - у Роўненскай вобласці, Закарпацці і на Валыні.

Паводле звестак РНБА, за час дзеяння локдаўна колькасць ачунялых ад кавіда павялічылася: у канцы снежня іх было амаль удвая больш за актыўных хворых, цяпер - больш чым у чатыры разы.

Агулам па Украіне робяць 146 340 тэстаў на 1 млн чалавек, гаворка ідзе як аб тэстах ПЛР, так і аб тэставанні метадам ІФА. Больш за ўсё - у Кіеве, Адэсе, Львове і Харкаве. У той жа час у складаных што да эпідэміі Мікалаеўскай, Чаркаскай і Чарнавіцкай абласцях ахоп насельніцтва тэставаннем застаецца нізкім.

25 студзеня, ва Украіне заканчваецца дзеянне локдаўна (рэжыму жорсткіх абмежаванняў, уведзеных для барацьбы з эпідэміяй каранавіруса). Але больш мяккія карантынныя абмежаванні прадоўжаць дзейнічаць да 31 сакавіка.

Пасля заканчэння локдаўна ў Міністэрстве аховы здароўя плануюць вярнуцца да адаптыўнага карантыну. З панядзелка малодшыя школьнікі змогуць вярнуцца за парты, старшакласнікаў і студэнтаў чакаюць змяшаная і вочная формы навучання. У МАН просяць кіраўніцтва навучальных устаноў прымаць пастановы з улікам эпідэміялагічнай сітуацыі ў рэгіёне.