У Якуціі затрыманы шаман Аляксандр Габышаў
23- 27.01.2021, 15:49
- 25,091
Прыватны дом штурмавалі 11 сілавікоў.
У Якуціі паліцыянты супольна з сіламі АМАПу затрымалі шамана Аляксандра Габышава. Ён быў змешчаны ў псіханеўралагічны дыспансер.
Пра гэта паведаміў рэдакцыі "Сибирь.Реалии" каардынатар «Праваабароны Паштоўкі» Аляксей Пранішнікаў.
Паводле звестак «Якутии.Инфо», арышт адбыўся ў прыватным доме ягоных сваякоў. У аперацыі ўзялі ўдзел 11 сілавікоў. Шамана вывезлі на машыне хуткай дапамогі.
Апошнім часам супрацоўнікі праваахоўных органаў ажыццяўлялі сачэнне за Габышавым. У студзені ён абвясціў пра гатоўнасць прадаўжаць раней перарваны паход у Крэмль і папярэдзіў, што на гэты раз яго могуць забіць.
У сакавіку 2019 года Габышаў абвясціў пра падарожжа ў Маскву для правядзення «абраду выгнання Пуціна». Яго затрымалі 19 верасня, змясцілі ў псіханеўралагічны дыспансер і распачалі крымінальную справу пра заклікі да экстрэмізму. Псіхолага-псіхіятрычная экспэртыза на замове следства прызнала Габышава вар’ятам. Разам з ім пераслед зазнаюць ягоныя прыхільнікі. Amnesty International прызнала шамана вязнем сумлення і запатрабавала ягонага вызвалення.