Памерла маці Сяргея Скрыпаля

Яна ляжала ў рэанімацыі з 25-працэнтным пашкоджаннем лёгкіх.

Маці экс-палкоўніка ГРУ Сяргея Скрыпаля памерла ў бальніцы ў Яраслаўлі ва ўзросце 93 гадоў, яна ляжала ў рэанімацыі з 25-працэнтным пашкоджаннем лёгкіх, паведаміла РІА Новости пляменніца Скрыпаля Вікторыя.

«Бабуля памерла сёння ў пяць гадзін. Яна ляжала ў бальніцы ў рэанімацыі», - сказала Вікторыя.

З яе слоў, Алена Якаўлеўна была шпіталізаваная ў канцы снежня з 25-працэнтным пашкоджаннем лёгкіх. Суразмоўніца агенцтва адзначыла, што бабулі зрабілі тэст на COVID, але вынікаў пакуль няма. Пры гэтым у самой Вікторыі тэст станоўчы.

«Нас лекары папярэдзілі, што выпадак складаны: узрост, цукровы дыябет, арытмія. Бабуля была на кіслароднай падтрымцы, у яе сатурацыя пастаянна скакала», - паведаміла Скрыпаль.

Яна падкрэсліла, што сям'і дзядзькі паведаміць пра трагедыю яна не можа, таму папрасіла знаёмых звязацца з брытанскай амбасадай.