Чыноўнікі-ябацькі хочуць увесці падатак на першую кватэру

Пра якія сумы гаворка?

З 2022 сёлета чыноўнікі хочуць спаганяць падатак за першую кватэру (зараз яго плацяць за другую і наступныя). Гэты збор маюць намер усталяваць на ўзроўні 0,1% ад разліковага кошту аднаго квадратнага метра жылля. Чыноўнікі ўжо прапісалі, як падатак можа адрознівацца ў рэгіёнах, паведамляе zerkalo.io.

Як падатак на першую кватэру можа адрознівацца ў рэгіёнах

У праекце Падатковага кодэкса прапісалі суму разліковага кошту аднаго квадратнага метра тыпавых будынкаў - кватэр, гаражоў, машына-месцаў, садовых домікаў, лецішчаў. Яны адрозніваюцца ў залежнасці ад рэгіёна: у Менску - вышэй за ўсё. Як плануецца, падатак на першую кватэру складзе 0,1% ад кошту аднаго квадратнага метра.

Да прыкладу, для сталіцы разліковы «квадрат» у блокавым жылым доме на 1 студзеня гэтага года прапісалі на ўзроўні 496,82 рубля. Гэта значыць падатак у такім выпадку складзе 49,68 рубля. Для абласных гарадоў і Менскага раёна кошт «квадрата» - 371,93 рубля, а сам падатак у такім выпадку павінен скласці 37,19 рубля. Для многіх буйных гарадоў збор будзе, як плануецца, на ўзроўні 30,97 рубля. У іх лік патрапілі Гарады Баранавічы, Бабруйск, Барысаў, Ваўкавыск, Горкі, Дзяржынск, Жлобін, Жодзіна, Кобрын, Крычаў, Ліда, Мазыр, Маладзечна, Навагрудак, Наваполацк, Ворша, Асіповічы, Пінск, Полацк, Рэчыца, Светлагорск, Слонім, Слуцк, Смалявічы, Смаргонь, Салігорск, Фаніпаль.

Для астатніх населеных пунктаў падатак на першую кватэру, як прапануюць чыноўнікі, павінен скласці 22,32 рубля.

Але на 1 студзеня 2022 года сумы разліковага кошту аднаго квадратнага метра тыпавых будынкаў будуць прыкметна вышэйшыя. Да прыкладу, для Менска гэты паказчык, як прапануецца, падвысяць з 496,82 да 650 рублёў. Гэта значыць падатак у такім выпадку ў сталіцы вырасце да 65 рублёў. У абласных цэнтрах і Менскім раёне гэты збор можа скласці 52 рублі, для буйных гарадоў, якія пералічаны вышэй, - 48 рублёў, а для ўсіх астатніх населеных пунктаў - 25 рублёў. Такія сумы падатку на першую кватэру могуць увесці ў наступным годзе.

Ці ёсць альтэрнатыва ў выплаце падатку за першую кватэру?

Так. У праекце Падатковага кодэкса таксама прапісалі, што фізічныя асобы могуць падаць падаткавікам заключэнне аб незалежнай ацэнцы рынкавага кошту капітальнага збудавання. У такім выпадку падатак на нерухомасць могуць палічыць па гэтаму кошту.