Міністэрства аховы здароўя прыпыніла выкананне планавай меддапамогі ў Беларусі
76- 18.10.2021, 20:37
- 52,462
Беларуская ахова здароўя захлынаецца ад чацвёртай хвалі COVID-19.
У Міністэрстве аховы здароўя падпісаны загад, якім часова прыпыненае наданне планавай медыцынскай дапамогі ў амбулаторна-паліклінічных арганізацыях аховы здароўя.
У тым ліку размова ідзе аб правядзенні дыспансерызацыі, скрынінгавых мерапрыемстваў, рэабілітацыйнай дапамогі, выкананне фізіятэрапеўтычных працэдур, лячэнне ў аддзяленнях дзённага знаходжання, наданне планавай стаматалагічнай дапамогі.
Адзначым, што гэта адбываецца на фоне значнага ўзмацнення эпідэміі COVID-19 у Беларусі.
Медыкі на ўмовах ананімнасці распавядаюць, што шпіталі перапоўненыя, а лекары перагружаныя, што толькі ў адным менскім стацыянары, адведзеным пад лячэнне хворых каранавіруснай інфекцыяй, памірае па 10-15 чалавек за дзень, тады як з афіцыйных звестак агулам у краіне памірае менш.