4 снежня 2021, Субота, 17:28
Сім сім, Хартыя 97!
Рубрыкі

Лукашэнкаўскі МУС прапанаваў пазбаўляць беларусаў грамадзянства праз працу за мяжой

73
Лукашэнкаўскі МУС прапанаваў пазбаўляць беларусаў грамадзянства праз працу за мяжой

Толькі забастоўка зможа спыніць ябацькаў, якія з глузду з’ехалі.

Вячаслаў Арлоўскі, начальнік аддзела галоўнага ўпраўлення барацьбы з арганізаванай злачыннасцю і карупцыяй МУС, выказаў ідэю пра тое, каб пазбаўляць грамадзянства беларусаў, якія з'ехалі за мяжу і «адтуль робяць усё магчымае, каб нашкодзіць дзяржаве».

Ён нагадаў, што ў чэрвені ўвайшла ў дзеянне ініцыяваная МУС змена ў закон аб грамадзянстве:

- З гэтага моманту асобы, якія набылі беларускае грамадзянства, могуць яго страціць, калі паводле прысуду суда яны будуць прызнаныя вінаватымі ва ўчыненні шэрагу злачынстваў - экстрэмісцкіх, тэрарыстычных або такіх, што наносяць цяжкую шкоду інтарэсам Беларусі. Ёсць у гэтым спісе і артыкул 361 КК, пра які зараз гаворым. Варта адзначыць, што гэтыя змены мы распрацоўвалі два гады. І тады гаворка ішла толькі пра страту грамадзянства асобамі, якія гэта грамадзянства набылі, а не сталі беларусамі паводле права нараджэння.

Але я ўважаю, што трэба паглядзець далей. Людзі, якія збеглі з нашай краіны, не павінны мець права называцца беларусамі.

На думку Вячаслава Арлоўскага, ёсць неабходнасць разгледзець пытанне аб пазбаўленні іх грамадзянства.

- У выніку яны не змогуць прыехаць у Беларусь у вольным парадку, не змогуць удзельнічаць у электаральных працэсах, грамадска-палітычным жыцці дзяржавы, - заявіў прадстаўнік ГУБАЗіК.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».