7 снежня 2021, aўторак, 8:26
Сім сім, Хартыя 97!
Рубрыкі

Юрый Бутусаў: Украінскае грамадства сфармавала запыт на новага палітыка

21
Юрый Бутусаў: Украінскае грамадства сфармавала запыт на новага палітыка
ЮРЫЙ БУТУСАЎ
ФОТА: GORDONUA.COM

Ён павінен мець тое, чаго няма ў дзейнага прэзідэнта.

Украінскі журналіст, галоўны рэдактар выдання «Цензор.нет» Юры Бутусаў у «Фэйсбуку» выказаў меркаванне, што ўкраінскае грамадства сфармавала запыт на новага палітыка:

- Выбарцы заўсёды галасуюць за будучыню. І праз роўна палову свайго тэрміну прэзідэнт Зяленскі перастаў быць гэтай будучыняй - у галасаванні за будучыню ён набірае паводле апытанні КМІС усяго 22,7%. А невядомы пакуль, але апазіцыйны Зяленскі кандыдат будучага мае рэйтынг 61,7%. Гэта значыць грамадства сфармавала запыт на новага палітыка, які павінен мець усё тое, чаго няма ў дзейнага прэзідэнта.

61,7% - гэта тое, што ў выпадку выхаду з Зяленскім у другі тур прэзідэнцкіх выбараў атрымае ягоны апанент, які прапануе грамадству пераканаўчую праграму рэформаў, каманду, здольную камунікаваць і рабіць змены, які хоча думаць стратэгіямі і дзейнічаць сістэмна. А самае галоўнае, гэта павінен быць чалавек, які замест спроб "зазірнуць у вочы Пуціну", "проста спыніць страляць" і "я вам нічога не павінен" будзе браць на сябе адказнасць за рэальныя праблемы і выклікі, за вайну з Расеяй, за рэформы у сілавых структурах і ў судах, за скарачэнне дзяржапарату і аптымізацыю яго працы, за канкурэнтаздольнасць эканомікі.

Для ўсіх палітыкаў урок - пачынайце казаць пра будучыню, не гуляйце ў месію, якому ўлада ўпадзе на галаву, на гэтых выбарах будзе іншы расклад.

Трэба выяўляць свае каштоўнасці і свае прынцыпы, а не хаваць. Трэба здзяйсняць учынкі, а не апускаць галаву і ўхіляцца ад пастаноў. Краіне не патрэбны анты-Зяленскі, краіне неабходна лідарства, мабілізацыйныя праекты і адказнасць за словы і ўчынкі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».