Эрдаган прыстрашыў ужыць цяжкае ўзбраенне супраць войска Сірыі
11- 21.10.2021, 16:42
- 6,556
Кіраўнік Турцыі заявіў, што Анкара настроена на рашучую барацьбу з «рэжымам Дамаска».
ВС Турцыі ў выпадку неабходнасці выкарыстаюць цяжкае ўзбраенне супраць сірыйскага войска ў Ідлібе, заявіў турэцкі лідаэр Раджэп Таіп Эрдаган. Пра гэта паведамляе турэцкае агенцтва навін «Анадолу».
Са слоў Эрдагана, у рэгіёне прадоўжацца аперацыі, і Турцыя ні за што не саступіць.
«Мы прадаўжаем працэс у Сірыі. Не ведаю, якія дзеянні будзе ажыццяўляць сірыйскі рэжым, але ў Ідлібе мы зробім усё, што трэба, мы адкажам з усім нашым цяжкім узбраеннем. Мы не пусцім сітуацыю на самацёк», - сказаў Эрдаган турэцкім журналістам у самалёце падчас вяртання з паездкі па краінах Афрыкі.
Нагадаем, турэцкі лідар Раджэп Таіп Эрдаган раней заявіў, што Анкара настроеная на рашучую барацьбу з «рэжымам Дамаска» і сіламі самаабароны сірыйскіх курдаў. Улады Турцыі ўжо накіравалі ў парламент краіны хадайніцтва аб прадаўжэнні вайсковай прысутнасці ў Сірыі на два гады.