Турэцкія банкі перасталі пераводзіць грошы ў Беларусь
8- 27.10.2021, 14:29
- 15,908
Прычына - у міжнародных санкцыях.
Турэцкія банкі пачалі адхіляць пераводы ў Беларусь, паведаміла ў Facebook заснавальніца даследчай кампаніі InComeIn Ірына Юзвак, звярнула ўвагу «Салiдарнасць».
- Турэцкія банкі перасталі пераводзіць грошы ў Беларусь. Незалежна ад таго, што за кампанія і з кім у яе ў Турцыі кантракты. Таксама ёсць перыядычныя праблемы са здзяйсненнем аплат у Турцыю, - адзначыла Юзвак.
Прычына - у міжнародных санкцыях.
- Аргументацыя - «Не хочам рызыкаваць праз санкцыі. Яшчэ добра памятаем гісторыю з Halkbank праз амерыканскія санкцыі супраць Ірана», - напісала Юзвак.
Яна ўдакладніла, што гаворка ідзе не аб адным асобным банку: «Адмову атрымалі ад усіх банкаў, да якіх звярталіся нашы партнёры, каб выканаць свае абавязацельствы».
Нагадаем, некалькі гадоў таму ў ЗША распачалі справу супраць турэцкага дзяржаўнага банка Halkbank за парушэнне санкцыяў супраць Ірана. Скандал і суд над адным з банкіраў моцна ўскладнілі стасункі паміж Турцыяй і ЗША.
У каментарах пад допісам Ірыны Юзвак беларусы пацвярджаюць інфармацыю.