Самае буйное і ўплывовае арабскае выданне назвала Лукашэнку дыктатарам

Узурпатар стаў таксічным нават для Катара?

Сайт тэлеканала «Аль-Джазіра» - самага буйнога і ўплывовага арабскага медыя - апублікаваў артыкул пад назвай «Апошні дыктатар Еўропы. Хто такі Аляксандр Лукашэнка».

Штаб-кватэра тэлеканалу знаходзіцца ў сталіцы Катара горадзе Доха. Таксама медыя спансуецца катарскім урадам. Адзначым, што і Лукашэнка, і ягоны сын Віктар даволі часта наведваюць гэтую арабскую краіну.