Стала вядома, якія песні прагучалі на цырымоніі провадаў Ангелы Мэркель

Музыку выбрала сама экс-канцлерка Нямеччыны.

Падчас урачыстай цырымоніі провадаў Ангелы Мэркель з пасады канцлера ФРГ у чацвер, 2 снежня, вайсковы аркестр сыграў песні, якія выбрала сама Мэркель, паведамляе Deutsche Welle.

На жаданне Мэркель аркестр выканаў хрысціянскі гімн XVIII стагоддзі "Вялікі Божа, мы славім цябе". На цырымоніі таксама прагучалі два старыя шлягеры нямецкіх выканаўцаў з Заходняй і Усходняй Нямеччыны — "Для мяне пральецца дождж з чырвоных руж" Хільдэгард Кнеф і "Ты забыўся на каляровую стужку" Ніны Хаген. Мэркель растлумачыла, што другая песня, якую выконвае культавая панк-рокерка з ГДР, асацыюецца ў яе з уласнай юнацкасцю.

Цырымонія провадаў Меркель называлася "Вялікае вечаровае світанне". Гэта старажытны вайсковы акт - праява вышэйшай даніны павагі ўзброеным сілам Нямеччыны ў дачыненні да цывільнай асобы. Само мерапрыемства было нешматлікім праз антыкаранавірусныя абмежаванні. На ім прысутнічалі ў тым ліку былыя міністры ва ўрадах, якімі Мэркель кіравала цягам 16 гадоў.

Афіцыйна Мэркель пакіне пасаду канцлера 8 снежня.