Кампанія Ілана Маска пабіла гадавы рэкорд пускаў Falcon 9
3- 4.12.2021, 11:38
- 2,400
Папярэдні быў устаноўлены ў 2020 годзе.
Амерыканская кампанія SpaceX пабіла гадавы рэкорд пускаў уласнай цяжкай ракеты Falcon 9, паведамляе SpaceNews.
Выданне адзначае, што ў 2021 годзе на 3 снежня было зроблена 27 стартаў падобных носьбітаў. Папярэдні рэкорд, які ўключае 26 пускаў Falcon 9, быў устаноўлены ў 2020 годзе.
SpaceNews нагадвае, што «многія з місій Falcon 9 у 2021 годзе неслі карысную нагрузку для Starlink».
У снежні ў Twitter кіраўнік SpaceX Ілан Маск паведаміў, што кампанія для памяншэння імавернасці сутыкнення з касмічным смеццем змяніла арбіты некаторых спадарожнікаў Starlink.
У лістападзе Маск назваў тэрмін арбітальнага палёту шматразовай транспартнай сістэмы Starship, якая лічыцца самай вялікай у свеце ракетай. З ягоных слоў, сістэма можа накіравацца на арбіту ў студзені 2022 года. Гэта адбудзецца, калі SpaceX паспее завяршыць будаўніцтва адпаведнай стартавай пляцоўкі ў Тэхасе, правесці неабходныя выпрабаванні ракеты і атрымаць дазвол на запуск ад Федэральнага ўпраўлення цывільнай авіяцыі ЗША.
У снежні мінулага года выданне ArsTechnica паведаміла, што SpaceX у 2020 годзе, нягледзячы на пандэмію COVID-19, пабіла ўласны рэкорд 2018-га па колькасці ракетных пускаў.