На «Беларуснафце» адбываюцца масавыя звальненні
2- 5.12.2021, 14:34
- 31,342
Скарачэнні ахапілі філіялы прадпрыемства ў Гомелі, Рэчыцы і Светлагорску.
З даверанай крыніцы «Флагштоку» стала вядома, што ў «Беларуснафце» спусцілі спісы на звальненні, у іх больш за 50 чалавек на ўсім прадпрыемстве - Гомель, Рэчыца, Светлагорск. Усіх патрабуюць звольніцца на ўласнае жаданне.
«Прычына невядомая. Яе не абвяшчалі. Ціснулі і адразу пасля выбараў і потым цягам паўтара года. Хутчэй проста звальняюць непажаданых.
Гэта ўжо мінімум другая хваля. Першая хваля: канец жніўня - пачатак верасня. Тады ў большасці выпадкаў проста не прадоўжылі кантракты. Таму пра больш канкрэтныя лічбы сказаць немагчыма», - паведамілі крыніцы «Флагштока».
Нагадаем, ВА «Беларуснафта» ўвайшло ў Пяты пакет санкцый ЕЗ супраць рэжыму. Афіцыйная прычына: звальненне работнікаў прадпрыемства, якія падтрымалі страйк і ўзялі ўдзел у пратэстах, публічна падтрымалі пратэсты.