Польскія памежнікі адбілі 116 спроб прарваць мяжу з боку Беларусі
- 7.12.2021, 10:51
- 6,274
На адным адцінку мігранты і беларускія спецслужбы двойчы пайшлі на штурм.
За дзень было зарэгістравана 116 спроб незаконнага перасячэння польскай мяжы мігрантамі з боку Беларусі.
Пра гэта паведамляе Памежная служба Польшчы.
Польскія службовыя асобы вынеслі 25 пастаноў аб выправаджэнні з тэрыторыі краіны.
На адцінку, які ахоўваўся заставай Памежнай службы Польшчы ў Чарэмшы, групы мігрантаў па 30 чалавек двойчы спрабавалі прарваць мяжу пры падтрымцы беларускіх спецслужбаў.
Wczoraj tj.06.12 na gr.🇵🇱🇧🇾odnotowano 116 prób jej nielegalnego przekroczenia #FunkcjonariuszeSG wydali 25 postanowień o opuszczeniu terytorium RP.
— Straż Graniczna (@Straz_Graniczna) December 7, 2021
Na odcinku ochranianym przez Placówkę SG w Czeremsze 30-osobowe grupy dwukrotnie forsowały granicę przy wsparciu białoruskich służb. pic.twitter.com/YRY88Ckn2a
Нагадаем, што 8 лістапада рэжым Лукашэнкі зладзіў маштабную правакацыю на польскай мяжы. Тысячы мігрантаў пад кантролем беларускіх спецслужбаў штурмавалі мяжу Польшчы. Польскі бок паведамляе, што ў наступных штурмах мяжы могуць узяць удзел да 10 тысяч нелегалаў.
15 лістапада беларускія вайскоўцы сагналі нелегалаў пад канвоем з іх лагера на мяжы з Польшчай да КПП "Брузгі-Кузніца".
16 лістапада мігранты пайшлі на штурм польскай мяжы.
Пасля гэтага мігрантаў размясцілі ў лагістычным цэнтры "Брузгі" на мяжы. Польская разведка паведаміла, што беларускія сілавікі ператварылі цэнтр "Брузгі" ў базу для нападаў мігрантаў на Польшчу.
26 лістапада Лукашэнка пабываў у лагеры мігрантаў, каб узняць іх на новы штурм польскай мяжы.
1 снежня беларускія спецслужбы абстралялі польскі прымежны горад Тэрэспаль. Абстрэлам былі знішчаны асвятляльныя мачты на мяжы з Беларуссю.
