У Беларусі паднімуць кошты на запалкі

Чыноўнікі гавораць, што выраслі затраты вытворцаў на сыравіну.

Прадаўцам, вытворцам і пастаўшчыкам дазволілі да канца снежня падняць кошты на запалкі. Пра гэта паведамляе МАРГ. Нагадаем, раней чыноўнікі спачатку замарозілі рост коштаў на некаторыя сацыяльна значныя тавары, у тым ліку на запалкі, а потым устанавілі столь па павышэнні іх кошту.

Запалкі ўваходзяць у спіс сацыяльна значных тавараў. З 24 лютага (і да канца месяца) на іх забаранялі падвышаць кошты. З 1 сакавіка рост мог адбывацца не больш як на 0,2% у месяц. Перавышаць гэту столь можна на пастанову камісіі ў пытаннях дзяржрэгулявання цэнаўтварэння пры Саўміне.

Гэтая камісія дазволіла выйсці за калідор па росце коштаў на запалкі (гаворка пра запалкі фармату чацвёрты 2/3). Прычына - кампенсацыя выдаткаў на сыравіну і матэрыяльныя рэсурсы, што ўзраслі.

Павысіць цэны могуць юрыдычныя асобы і ІП усіх форм уласнасці. Зрабіць гэта можна да 31 снежня. Пры гэтым кошт запалак можна павялічыць максімум на 9% да коштаў на канец лютага.