Кіраўнік МЗС Літвы заявіў, што гатовы пайсці ў адстаўку, калі супрацоўніцтва з «Беларуськаліем» прадоўжыцца

Габрыэлюс Ландсбергіс чакае пастановы прэм'ер-міністра.

Лідар кіроўных кансерватараў, міністр замежных спраў Літвы Габрыэлюс Ландсбергіс заяўляе, што гатовы сысці ў адстаўку, калі высветліцца, што вытворца ўгнаенняў «Беларуськалій», які знаходзіцца пад санкцыямі ЗША, унёс папярэднюю аплату ЛЧ (Lietuvos gelezinkeliai) ужо пасля таго, як санкцыі набылі моц 8 снежня, паведамляе Delfi.

«Сёння я сказаў прэм'ер-міністру, насамрэч, учора ўвечары, што я гатовы сысці ў адстаўку, і я чакаю пастановы прэм'ер-міністра», – сказаў Ландсбергіс журналістам у Сейме ў чацвер. «Я разумею, якая рэпутацыйная шкода прычыненая Літве», - адзначыў кіраўнік літоўскай дыпламатыі.

Нагадаем, 8 снежня набылі моц санкцыі ЗША супраць «Беларуськалію».