Відэа з Берасця: так дакладна не варта ўязджаць у двор

Стан праезнай часткі меў адну з вызначальных роляў у тым, што здарылася.

Зіма - гэта час крайнасцяў. То снег і мароз - тады зіма сапраўдная, то золь і слота - тады гэта наогул не зіма. То гурбы - і едзеш павольна-павольна, абы не захраснуць, то на дарозе суцэльны лёд - і едзеш занадта хутка, нават калі сам таго не хочаш.

Чарговым відэа з Берасця з onliner.by падзяліўся чытач. Камера назірання ўстаноўленая ў адным з двароў у цэнтры абласнога цэнтра. Звярніце ўвагу: двор расчышчаны як належыць. Гэта, праўда, не азначае, што трэба разганяцца, быццам на трасе.

Кіроўца Volkswagen, скажам так, з'яўляецца ў кадры залішне імкліва. Ён рухаецца настолькі хутка, што не паспявае ні затармазіць, ні ўпісацца ў паварот. Аўтамабіль б'е прыпаркаваную Mazda (дасталася і Kia, якая стаіць побач), але нават пасля гэтага не спыняецца, а выконвае віраж і заскоквае на ходнік - там фініш. Пашанцавала яшчэ, што пешаходаў не было.

Безумоўна, стан праезнай часткі меў адну з вызначальных у сітуацыі. Але ў ПДР (п. 87) сфармуляванае наступнае патрабаванне: пры выбары хуткасці руху кіроўца (сярод усяго іншага) павінен улічваць дарожныя, пагодныя (метэаралагічныя) умовы.