Мукі ў Гомелі не засталося нават на тры дні

«Гомельхлебпрам» заявіў, што не можа выканаць заказы.

Чытачы «Радыё Свабода» даслалі копію дакумента, з якога вынікае, што на прадпрыемстве «Гомельхлебпрам» няма мукі.

«ААТ «Гомельхлебпрам» паведамляе, што ў сувязі з адсутнасцю мукі 21 і 22 лютага прадпрыемства не мае магчымасці выканаць заяўкі на хлебабулачную прадукцыю ў гандлёвую сетку Гомеля і вобласці. Просім праінфармаваць гандлёвыя аб'екты пра зрыў паставак 21 і 22 лютага», - напісана ў копіі дакумента, дасланага начальніку ўправы гандлю і паслуг.

Лукашэнка неаднаразова палохаў беларусаў 1990-мі, казаў што тады «мукі не было на тры дні».