Лекары назвалі спосаб палепшыць зрок за тры хвіліны за дзень
7- 24.02.2021, 9:45
- 20,654
Першыя паляпшэнні будуць прыкметныя ўжо праз два тыдні.
Лекар-афтальмолаг Руі Хірамац назваў спосаб палепшыць зрок. Пра гэта паведамляе партал abc.es.
Паводле ягоных слоў, вочы трэба рэгулярна трэніраваць. Першы метад - гэта практыкаванні з плямамі Габора - адмысловыя малюнкі для знаходжання адрозненняў. Іх варта выконваць усяго тры хвіліны на дзень. Першыя паляпшэнні будуць прыкметныя ўжо праз два тыдні.
Другі метад - гэта тэрматэрапія. Трэба ўзяць ручнік, намачыць яго і падагрэць у мікрахвалевай печы цягам 30-40 секунд. Цёплую тканіну варта пакласці на заплюшчаныя павекі і пачакаць да таго часу, пакуль яна не астыне.
Трэці метад ва ўжыванні шпінату. Яго трэба ўключыць у свой рацыён, бо шпінат спрыяе прафілактыцы катаракты і дэгенерацыі жоўтай плямы.