Моцны Байдэн: Тры адрасаты аднаго авіяўдару

Вяртанне Амерыкі паскарае поўны крах Крамля на Блізкім Усходзе.

Амерыканскі прэзідэнт Джо Байдэн наўпрост санкцыянаваў правядзенне першай ваеннай аперацыі на сваёй пасадзе, піша тэлеграм-канал «Сіта Сакрата».

Паводле інфармацыі Пентагона два знішчальнікі-бамбавікі F-15E Strike Eagle у ноч на 26 лютага скінулі сем высокадакладных боепрыпасаў на шэраг цэляў у раёне КПП Абу-Кемаль, кантраляванага сіламі тэрарыстаў. Як вынік на сірыйска-іракскай мяжы былі цалкам знішчаныя 9 аб'ектаў, а яшчэ 2 функцыянальна выведзеныя з ладу.

У Вашынгтоне нанесеныя ўдары класіфікавалі як «ахоўныя» і «сувымерныя», пры гэтым яны суправаджаліся кансультацыямі з партнёрамі ў антытэрарыстычнай кааліцыі, якая з 2014 года праводзіць аперацыю Inherent Resolve супраць ІД. У Сірыйскім цэнтры правоў чалавека прыводзіцца інфармацыя пра гібель 17 баевікоў, у той час як рэальны лік можа скласці 22 загінулыя ад авіяўдару. Усе загінулыя не з’яўляюцца іранцамі, і канечне рэакцыя персаў з гэтай прычыны чакаецца стрыманая.

Аперацыя скіраваная супраць іракскіх тэрарыстычных арганізацый «Катаіб Хезбала», а таксама «Катаіб Саід аш-Шухада», якія ўваходзяць у склад шыіцкага апалчэння «Хашд аль-Шаабі». Усе названыя групоўкі атрымліваюць усебаковую падтрымку з Тэгерана праз агентурныя сеткі падраздзялення КВІР «Кодс». Што важна, удар быў нанесены па тэрыторыі Сірыі пасля ўезду канвою з трох грузавікоў з зброяй з іракскай тэрыторыі. Баевікі «Хашд аль-Шаабі», калі больш дакладна – «Сарая Аўлія аль-Дам» 15 лютага ажыццявілі залп з 14 ракетаў па аэрапорце і казармах амерыканскай ваеннай базы ў раёне Эрбіля на Поўначы Ірака. Загінуў адзін замежны цывільны кантрактнік, а 9 чалавек, у тым ліку адзін амерыканскі вайсковец атрымалі раненні. З мэтай спынення падобных выпадаў ЗША ўжылі сіметрычны адказ.

Аналітыкі авіяўдар Байдэна разглядаюць як «разумнае і моцнае пасланне» для трох адрасатаў адначасова, пры гэтым ён узяў да ўвагі патрэбу захавання стабільнасці ўнутры Ірака, выбраўшы для ўдару па баевіках месца за межамі суверэннай іракскай тэрыторыі. Больш за тое, інфармацыя пра канвоі тэрарыстаў была атрыманая сіламі міжнароднай кааліцыі ад іракскай выведкі. Іншымі словамі, іракскі прэм'ер Мустафа аль-Казымі садзейнічаў аперацыі, каб заручыцца падтрымкай новай адміністрацыі ЗША.

Першы адрасат амерыканскага ўдару – гэта Іран. Іранскім гарачым галовам далі зразумець, што ім час згортваць дзейнасць сваіх proxy-войскаў на Блізкім Усходзе. Рэалізацыя праекту «шыіцкага моста» ад Тэгерана да Бейрута метадамі апоры на тэрарыстаў не дасць іранцам росквіту. Таксама час афіцыйна закончыць аперацыю «Пакутнік Сулеймані», бо любыя новыя напады на амерыканскія аб'екты будуць абыходзіцца ўсё даражэй. Нарэшце Байдэн прадэманстраваў хатняй аўдыторыі гатоўнасць уплятаць жорсткія захады ў стратэгію праціскання адмовы Ірана ад ядзернай праграмы і вяртанне краіны да СвДП.

Другі адрасат – гэта рэжым Асада ў Дамаску. У сірыйскім МЗС назвалі амерыканскі ўдар «падступнай агрэсіяй» і дрэнным сігналам датычна амерыканскай палітыкі. Вядома, Асад расхваляваўся, бо Байдэн абяцае весці барацьбу з дыктатарскімі рэжымамі, а ягоная кліка адна з самых адыёзных у свеце. У Вашынгтоне даюць зразумець, што знаходжанне пры ўладзе асобаў, якія выкарыстоўваюць хімічную зброю супраць свайго народа, не дапушчальнае. Сірыйскім элітам час задумацца над сыходам таксічнага аўтакрата.

Трэці адрасат – расейцы, якім паказалі межы іх уплыву ў Сірыі, і акрэслілі чырвоныя лініі, за якія не варта соваць нос. Пуцін у апошнія гады прыклаў шмат намаганняў для ліквідацыі антыасадаўскай дэмакратычнай апазіцыі пад выглядам барацьбы з ІД. Але ў Масквы больш няма рэсурсаў круціцца ў найвышэйшай лізе геапалітыкі, а значыць, чакаецца ліквідацыя РФ ад сірыйскіх справаў чыста з унутраных прычынаў. Вяртанне моцнай Амерыкі і пагатоў паскарае поўны крах Крамля ў шматпакутнай рэспубліцы.