Прыбытак у дзяржаўным сектары Беларусі скараціўся ў 10 разоў

Схаваць гэтага не можа ўжо і афіцыйная «статыстыка».

Белстат апублікаваў вынікі працы дзяржсектара ў 2020 годзе. Са статыстычных звестак вынікае, што даход у дзяржсектары за пяць гадоў вырас на 34%, да 138,8 млрд рублёў. А чысты прыбытак скараціўся ў 10 разоў, да 242 млн, паведамляе officelife.media.

Сярэдняспісачная колькасць работнікаў у дзяржсектары за апошнія пяць гадоў скарацілася на 18%, да 1,239 мільёна чалавек. Намінальны сярэднямесячны заробак за гэты перыяд вырас з 722 да 1,2 тысячы рублёў.

Дзель дзяржсектара ў экспарце тавараў знізілася з 38,7% у 2016 годзе да 33,9% у 2020-м. А ў імпарце тавараў - з 29 да 22,7%. У экспарце паслуг дзель дзяржсектара скарацілася з 33,9 да 23,1%. А ў імпарце паслуг - з 48,8 да 32,5% у 2020 годзе.