16 красавiка 2021, Пятніца, 11:20
Сім сім, Хартыя 97!
Рубрыкі

Італія першай у ЕЗ плануе вырабляць у сябе расейскую вакцыну «Спутник V»

11
Італія першай у ЕЗ плануе вырабляць у сябе расейскую вакцыну «Спутник V»
Фота: ТАСС

Вакцына будзе вырабляцца на двух заводах.

Італія можа стаць першай краінай ЕЗ, якая будзе вырабляць на сваёй тэрыторыі расейскую вакцыну "Спутник V".

Пра гэта паведамляе "Еўрапейская праўда" са спасылкай на італійскае агенцтва AGI.

Пагадненне аб вытворчасці вакцыны ў Італіі падпісалі Расейскі фонд дырэктыўных інвестыцый (РФДІ), які валодае патэнтам на "Спутнік V", і кампанія Adienne Pharma&Biotech.

Апошняя мае намер вырабляць вакцыну на двух заводах - у Ламбардыі і ў цэнтральнай Італіі і гатовая паставіць 10 мільёнаў доз з ліпеня 2021 да студзень 2022 года.

Італійска-расейская гандлёвая палата заявіла, што як толькі расейскую вакцыну зацвердзіць Еўрапейскае агенцтва лекавых сродкаў яе пачнуць распаўсюджваць па ўсёй Італіі.

"Партнёрства дазволіць пачаць вытворчасць ужо ў ліпені 2021 года, - гаворыцца ў прэс-рэлізе гандлёвай палаты, - Інавацыйны вытворчы працэс дапаможа стварыць новыя працоўныя месцы і дазволіць Італіі кантраляваць увесь вытворчы працэс. Гэта дазволіць вырабіць да 10 мільёнаў доз да канца года".

"Расейская ўлада працуе над 20 супольнымі праектах у Еўропе, а вакцына "Спутник V" ужо зарэгістравана больш як у 45 краінах свету", - тлумачыць італійска-расейская гандлёвая палата.

Варта адзначыць, што дагэтуль у ЕЗ выкарыстанне вакцыны "Спутник V" дазволілі толькі Вугоршчына і Славакія.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».