Партызаны правялі магутны агітацыйны рэйд па Менску
2- 18.04.2021, 13:30
- 4,010
Жыхароў сталіцы заклікалі дзейнічаць.
Адна з групаў сталічных партызанаў правяла масавы агітацыйны рэйд у горадзе, паведамляе тэлеграм-канал «Баста!».
«У ноч з 17 да 18 красавіка мы распаўсюдзілі больш за 250 улётак пра сацыяльныя і эканамічныя праблемы (цэнзура ў інтэрнэце, павышэнне коштаў паліва, мянтоўскі гвалт і інш).
Дзейнічайце! Не сядзіце на месцы! Агітацыя не проста дазваляе зацікавіць людзей прыгожай карцінкай, але і прымушае людзей задумацца пра актуальныя праблемы, рабаўніцкую палітыку ўладаў і супрацьстаяць ім», – пішуць удзельнікі акцыі.