Bloomberg: На мінулым тыдні ў свеце выявілі рэкордную колькасць выпадкаў заражэння каранавірусам

Агульная колькасць смерцяў у свеце з пачатку пандэміі перавысіла тры мільёны.

Мінулы тыдзень стаў рэкордным у колькасці выяўленых выпадкаў заражэння каранавірусам, паведамляе «Новое время» са спасылкай на Bloomberg.

Паводле інфармацыі агенцтва, за мінулыя сем дзён у свеце зафіксавалі 5,2 мільёна выпадкаў інфікавання.

Пры гэтым ўспышкі захворвання ўзнікаюць у краінах, якія горш за ўсё падрыхтаваныя да барацьбы з пандэміяй.

Найбольшы прырост захварэлых фіксуюць у Індыі і Бразіліі.

Смяротнасць сярод пацыентаў з каранавірусам у свеце таксама ўбіраецца ў сілу. За апошні тыдзень памерлі 82 тысячы чалавек, гэта значыць, агулам у свеце памірае блізу 12 тысяч чалавек на дзень.

У сярэдзіне сакавіка гэты паказчык складаў 60 тысяч на тыдзень, або 8,6 тысяч на дзень.

Агульная колькасць смерцяў у свеце з пачатку пандэміі перавысіла тры мільёны.