У Беларусі прыняты закон, які дазваляе змену знешнасці прапагандыстаў за дзяржаўны кошт
94- 21.04.2021, 17:16
- 28,866
Паслугачы Таракана напалоханыя.
У Беларусі ўхвалілі законапраект аб змяненні ранейшага закона «Аб дзяржаўнай абароне суддзяў, службовых асоб праваахоўных і кантрольных (наглядных) органаў, супрацоўнікаў органаў дзяржаўнай аховы». Яго прадстаўляў міністр унутраных спраў Іван Кубракоў, паведамляе «Еўрарадыё».
З ягоных слоў, летась і ў пачатку гэтага года на адрас міліцыянтаў, суддзяў паступалі пагрозы «ў сувязі з выкананнем імі службовых абавязкаў». Многія пагрозы атрымлівалі і «проста асобы з грамадзянскай пазіцыяй - настаўнікі, артысты, журналісты» - людзі, якія падтрымліваюць дзейную ўладу (у тым ліку прапагандысты).
Таму ў законапраект унесенае такое паняцце, як іншыя асобы, якія знаходзяцца пад абаронай, адзначыў міністр.
Ступень абароны будзе вызначацца міліцыяй з улікам ступені пагрозы.
«Камусьці дастаткова, магчыма, проста змяніць месца працы ці месца жыхарства, а камусьці неабходныя змены знешнасці, - кажа Кубракоў. - Якія захады аховы ўжываць да той ці іншай асобы, будуць вызначаць супрацоўнікі органаў унутраных спраў на падставе аналізу паступлення пагроз».
Фінансавацца гэта будзе дзяржавай.