Небяспечнае яблычнае павідла з РФ прадавалі ў Магілёве
8- 22.04.2021, 18:47
- 5,370
Яго забаранілі ўвозіць і прадаваць на тэрыторыі рэспублікі.
Яблычнае павідла з небяспечнымі кансервантамі ў складзе знайшлі ў продажы ў Магілёве. Пра гэта паведамілі ў Магілёўскай абласной інспекцыі Дзяржстандарту.
«Пры праверцы аднаго з прыватных прадпрыемстваў абласнога цэнтра ў продажы было выяўлена яблычнае павідла расейскай вытворчасці. Было ўстаноўлена, што гэтая прадукцыя не адпавядае патрабаванням тэхнічных рэгламентаў Мытнага саюза ТР МС 021/2011 «Аб бяспецы харчовай прадукцыі» і ТР МС 029/2012 «Патрабаванні бяспекі харчовых дабавак, араматызатараў і тэхналагічных дапаможных сродкаў» у бяспецы», - распавялі ў інспекцыі, паведамляе БелТА.
Экспэрты вывучылі гэта павідла і высветлілі, што ў яго складзе ёсць харчовая дабаўка (сарбінавая кіслата ў колькасці 0,24 г/кг), гэта недапушчальна для павідла з утрыманнем цукру больш за 5 г на 100 г. Фактычнае ўтрыманне масавай долі цукрозы паводле вынікаў выпрабаванняў склала 11,3%.