У свеце зроблена амаль 1 млрд COVID-прышчэпак
3- 23.04.2021, 21:51
- 3,054
Больш за ўсё зроблена ў ЗША.
У свеце зроблена ўжо 966 млн прышчэпак ад каранавіруса. Больш за ўсё прышчэпак было зроблена ў Злучаных Штатах.
Пра гэта сведчаць звесткі Bloomberg.
Паводле звестак агенцтва, тэмпы вакцынацыі ад каранавіруса зараз складаюць блізу 16 млн прышчэпак у дзень. Такім чынам, парог у 1 млрд будзе пераадолены ў гэтыя выходныя.
Аднак нават у гэтых умовах, каб дасягнуць узроўню ў 10 млрд прышчэпак, што будзе азначаць вакцынацыю блізу 75% насельніцтва планеты, патрэбны 21 месяц.
Цяпер уведзена дастаткова доз, каб цалкам вакцынаваць 6,3% насельніцтва свету, аднак размеркаванне прэпаратаў было нераўнамерным.
Больш за ўсё прышчэпак было зроблена ў Злучаных Штатах. На сённяшні дзень там увялі 219 мільёнаў доз. За апошні тыдзень у ЗША ўводзілі ў сярэднім 2,95 мільёна доз у дзень.
Нагадаем, 21 красавіка Прэзідэнт ЗША Джо Байдэн абвясціў, што ў ЗША зрабілі 200 млн прышчэпак ад каранавіруса за 92 дні яго прэзідэнцтва.