20 красавiка 2021, aўторак, 6:23
Сім сім, Хартыя 97!
Рубрыкі

Андрэй Суздальцаў: Руйнуецца літаральна ўсё, да чаго дакранаецца рука Лукашэнкі

27
Андрэй Суздальцаў: Руйнуецца літаральна ўсё, да чаго дакранаецца рука Лукашэнкі
Андрэй Суздальцаў

Аблічча дыктатуры ў Беларусі адштурхоўвае.

У Беларусі паступова разгараецца скандал з традыцыйным міжнародным фестывалем «Славянскі базар», піша вядомы расейскі палітолаг Андрэй Суздальцаў.

Адразу скажам, што фестываль чымсьці нагадвае масавыя мерапрыемствы ў Туркменістане і Паўночнай Карэі. Акрамя ўсхвалення беларускага кіраўніка, фестываль робіць сапраўды вялікую справу – падаўжае творчае жыццё майстрам эстрады.

Акрамя таго, «Славянскі базар» афіцыйна мяркуецца мерапрыемствам «саюзнага» значэння і амаль цалкам аплачваецца з расейскага бюджэту. Зразумела, што паводле беларускай традыцыі, частка грошай з вылучаных на фэст фондаў, да Віцебска не даходзіць, але ў любым выпадку для Беларусі гэта фінансава выгадны форум.

Не будзем хітраваць. Пасля фальсіфікацыі вынікаў галасавання на прэзідэнцкіх выбарах 9 жніўня 2020 года і наступнага тэрору беларускіх сілавых установаў супраць уласнага народа, скасавання чэмпіянату ў хакеі, выключэння Беларусі з спісаў удзельнікаў «Еўравізіі» і г.д., любое міжнароднае, а фактычна беларуска-расейскае мерапрыемства на беларускай зямлі тэарэтычна спрыяе легітымізацыі рэжыму Лукашэнкі.

Але аблічча сучаснай Беларусі стала адштурхоўваць...

Сёлета фестываль можа застацца без самых рэйтынгавых удзельнікаў. Ледзь не штодня з'яўляюцца навіны пра тое, што тыя ці іншыя расейскія артысты, многія з якіх прыязджалі на фестываль кожны год, адмаўляюцца ад запрашэнняў.

Зразумела, што фестываль усё роўна адбудзецца, але эфект ад форуму, які ў выніку будзе аддадзены далёка не найлепшым беларускім артыстам, у палітычным сэнсе будзе хутчэй адмоўным, бо стане індыкатарам міжнароднай ізаляцыі, у якой апынуўся рэжым Лукашэнкі.

Эмацыйная рэакцыя прыхільнікаў беларускага кіраўніка зразумелая. Руйнуецца літаральна ўсё, да чаго дакранаецца рука Лукашэнкі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».