20 чэрвеня 2021, Нядзеля, 19:16
Сім сім, Хартыя 97!
Рубрыкі

Jerusalem Post: ХАМАС абстраляў ізраільскі пасёлак з расейскага ПТРК «Карнэт»

Jerusalem Post: ХАМАС абстраляў ізраільскі пасёлак з расейскага ПТРК «Карнэт»
ІЛЮСТРАЦЫЙНАЕ ФОТА TVZVEZDA.RU

У выніку абстрэлу загінуў адзін грамадзянін Ізраіля, яшчэ двое атрымалі сур'ёзныя раненні.

Удзельнікі групоўкі ХАМАС уранку 12 траўня падбілі супрацьтанкавай ракетай пазадарожнік ля ізраільскага машава (пасёлка) Натыў а-Асара на мяжы з сектарам Газа, паведамляе The Jerusalem Post (пераклад - meduza.io).

Аўтамабіль абстралялі з супрацьтанкавага ракетнага комплексу (СТРК) «Карнэт», калі ізраільскае войска наносіла ракетныя ўдары па пазіцыях ХАМАС. У выніку абстрэлу загінуў адзін грамадзянін Ізраіля, яшчэ двое атрымалі сур'ёзныя раненні.

The Jerusalem Post паказвае, што, калі параненых паспрабавалі эвакуяваць, удзельнікі ХАМАС адкрылі агонь з мінамётаў. Пазней параненых шпіталізавалі, яны знаходзяцца ў крытычным стане.

Бліжэй да поўдня ХАМАС прадоўжыў абстрэл машава Натыў а-Асара.

З пачатку абвастрэння ізраільска-палесцінскага канфлікту 10 траўня з сектара Газа ў бок ізраільскіх гарадоў выпусцілі больш за 850 ракет, большасць з якіх перахапіла сістэма СПА «Жалезны купал». Раней ізраільскія СМІ паведамлялі пра пяць загінулых. Ізраіль у адказ атакаваў пазіцыі ХАМАС. Палесцінскія ўлады паведамілі, што ў выніку ізраільскіх удараў загінулі 48 чалавек, яшчэ 304 атрымалі раненні.

СТРК «Карнэт» - распрацоўка тульскага «Канструктарскага бюро прыборабудавання». Ракетны комплекс сталі пастаўляць на сусветны рынак у 1990-я гады. Як пісала РІА «Новости», упершыню аб тым, што ў палесцінскіх баевікоў у сектары Газа ёсць СТРК «Карнэт», стала вядома ў 2010 годзе. Да канца незразумела, адкуль у іх зброя расейскай вытворчасці, але раней экспартныя мадыфікацыі СТРК «Карнэт-Э» і «Карнэт-ЭМ» пастаўлялі многім краінам рэгіёну, напрыклад, Сірыі, Ярданіі, Савудаўскай Арабіі, Лібіі і Турцыі. У 2011 годзе Ізраіль накіраваў Расеі афіцыйны пратэст пасля таго, як палесцінскія баевікі абстралялі ізраільскі школьны аўтобус з СТРК «Карнэт».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».