Названы самы высокааплатны спартовец свету

Яго даход ацэньваецца ў 180 мільёнаў даляраў.

Названы самы высокааплатны спартовец свету паводле версіі Forbes. Пра гэта паведамляецца на сайце выдання.

Больш за ўсіх за апошні год зарабіў ірландскі баец змешанага стылю (MMA) Конар Макгрэгар, які ўпершыню ўзначаліў рэйтынг. Яго даход ацэньваецца ў 180 мільёнаў даляраў.

Большую частку гэтай сумы - 150 мільёнаў - яму прынёс продаж кантрольнага пакета акцый свайго брэнда віскі. Яшчэ 8 мільёнаў даляраў ірландзец зарабіў на рэкламных кантрактах. Ганарары за баі ў Актагон склалі 22 мільёны.

Другое месца ў рэйтынгу заняў форвард «Барселоны» Ліянэль Мэсі, які зарабіў 130 мільёнаў. 97 з іх аргенцінцу заплацілі паводле кантракту ў каталонскім клубе, астатняе футбалісту прынеслі рэкламныя кантракты.

Тройку самых высокааплатных спартоўцаў замкнуў Крышціяну Раналду. Нападнік «Ювентуса» зарабіў 120 мільёнаў даляраў. 64 мільёны яму выплацілі турынцы, астатняе партугалец зарабіў дзякуючы рэкламе і ўласнаму бізнэсу.

Агульны даход дзесяці самых высокааплатных спартоўцаў свету да выліку падаткаў ацэньваецца ў 1,05 мільярда даляраў. Пры складанні рэйтынгу ўлічваліся даходы атлетаў з 1 траўня 2020-га да 1 траўня 2021 года.