У ГУМе - новы кіраўнік

17 траўня прызначаны новыя кіраўнікі сталічных прадпрыемстваў.

Пра гэта паведаміла прэс-служба Менгарвыканкама.

Наталля Рошчына ўзначаліць КУП «Менскамунцепласеткі». Раней яна займала пасаду намесніцы кіраўніка гэтага прадпрыемства.

Аляксандр Забела стаў дырэктарам КУП «Менскхлебпрам», Сяргей Чугрэеў - дырэктарам ДУ «Паркоўкі сталіцы».

Кіраўніком ААТ «ГУМ» прызначаная Вольга Раманава, якая раней была намесніцай дырэктара сталічнага ЦУМа.

Нагадаем, 2 лютага гэтага года стала вядома пра затрыманне Аляксандра Крэпака, які займаў пасаду дырэктара ГУМа, а раней быў намеснікам старшыні Менгарвыканкама. Паведамлялася, што яго падазраюць у хабары ў 2525 рублёў.