«Пойдзеш у краму, амаль нічога не набудзеш, а грошай шмат аддасі»

Беларусы ў шоку ад росту коштаў.

«Вечерний Бобруйск» пагаварыў з маладой мамай Дзінай.

Дзіна часам сочыць за курсам даляра і агулам за фінансавымі навінамі.

- Глядзім. Жахаемся, вядома.

- Узрушэнні ў эканоміцы неяк уплываюць на вашае жыццё?

- Так, вельмі. Цэны падняліся, і нічога нармалёва не набыць. Пойдзеш у краму, амаль нічога не купіш, а грошай шмат аддасі...

Рост коштаў жанчына звязвае з агульным крызісам у краіне. Кажа, заробкі і дапамогі таксама растуць, але не суразмерна.

- Дапамога паднялося ледзь-ледзь, пенсіі падняліся ледзь-ледзь. Як старым жыць? Ім не зарабіць жа ніяк...

- У чым больш выгадна захоўваць зберажэнні, як думаеце?

- Толькі дома ў сябе. І напэўна ў далярах. Рублі абясцэняцца калі-небудзь.