Джгай, Саша, джгай

Чакаем новых істэрык і адной сапраўды лёсавызначальнай пастановы.

Упэўненыя, што калегі з «Минской семибоярщины» змаглі б вельмі прыгожа зашыфраваць гэтую гісторыю. І назвалі б гэта, напрыклад, аперацыя «Засуха» або «Вентыль», але мы не будзем.

Проста прапануем на падставе інфармацыі, якую ўдалося сабраць Жозі падчас непрацяглай выправы ў Маскву, трохі пад іншым ракурсам паглядзець на сітуацыю з пастаўкамі нафты ў Беларусь.

Навіной, якая не дае спакою канцэрну «Белнафтахім» пра «планавыя» (паводле Галоўчанкі) пастаўках нафты на перапрацоўку на «Нафтан», якія «паводле графіку» скараціліся больш, як у 10 разоў у траўні 2021, беларуска-расейскі сегмент інтэрнэту жыве ўжо больш за тыдзень.

Падстава - магчымыя другасныя амерыканскія санкцыі. І вось тут пачынаецца самае цікавае.

Першае. Шэраг расейскіх кампаній (тая ж «Раснафта») «паспяхова» працуе ў рэжыме заходніх санкцый. Цяжка ўявіць, што другасныя санкцыі сур'ёзна пагоршаць становішча.

Другое. Санкцыі ўваходзяць у дзеянне з 3 чэрвеня 2021 года і можна было б яшчэ месяц гнаць узмоцненымі тэмпамі сыравіну. Але не. Труба падсохла ўжо цяпер.

Трэцяе. Цікавы і сам аб'ём скарачэнняў. Калі трохі паваражыць з лічбамі ў пераліку на год, то мы атрымаем плюс-мінус - аб'ём, неабходны для закрыцця патрэб унутранага рынку, гэта значыць аб экспартных пастаўках нафтапрадуктаў і нафты давядзецца на час забыцца. Не будзем тут нагадваць, што гэта значыць для беларускага замежнага гандлю і бюджэту.

Усе гэтыя дзівацтвы схіляюць да цікавай думкі - Крэмль знайшоў выдатны адказ на бясконцы падман з боку дзеда, а амерыканскія санкцыі тут толькі прыгожая падстава.

Можа, экс-прэзідэнт Малдовы Дадон учора якраз прыгадаў пажаданне «упэўненай перамогі на прэзідэнцкіх выбарах» (дзед упэўнена прадказаў перамогу Парашэнку, Дадона і Трампа)? Бо дагэтуль Дадон пабываў у той жа Маскве і з'ехаў адтуль з падарункамі ў выглядзе вакцыны.

Увогуле чакаем новых істэрык і адной сапраўды «лёсавызначальнай» пастановы.

Джгай, Саша, джгай.

Telegram-канал «Нік і Майк»