Меркаванне: Рабочыя, гэта яшчэ адзін сігнал рыхтавацца браць ініцыятыву ў свае рукі

Выхад просты.

Пакуль Галоўчанка ў найлепшых традыцыях Сямашкі шукае схемы кампенсацыі страт хунты за кошт расейскіх падаткааплатнікаў для «Гродна Азоту» і «Гомельскага хімічнага завода», кіраўніцтва «Беларуськалію» забілася ў дамок і нават бурную дзейнасць для варыянтаў абыходу магчымых санкцый згарнула. З дамка спрабуе адтуль падаваць знакі рабочым, што ўсё будзе добра, піша тэлеграм-канал «Нік і Майк».

А працоўныя не дурні і бачаць, што колькасць надзвычайных здарэнняў на прадпрыемстве расце ў геаметрычнай прагрэсіі. Грошай на рамонт усё менш. Санкцыі могуць і зусім застопарыць пастаўку новых запчастак. Шахцёры, якія не далучыліся да стачкі праз тое, што ў іх шмат крэдытаў, з лёгкім жахам думаюць, як быць. Выхад просты, і ён быў прадказаны яшчэ ў жніўні. Неабходна страйкаваць і прыбіраць хунту і яе паслугачоў у выглядзе Галаватага і кампаніі. Інакш у прорву ўпадзе не толькі «Беларуськалій», але і ўся эканоміка Беларусі.

Стачкам «Беларуськалію» піша пра тое, што інспектар з Yara ўжо прыбыў на завод (і заадно дапоўніў нашу інфармацыю пра затапленне шахт). Нік пацвярджае гэтую інфармацыю. Камандзіроўка павінна быць доўгатэрміновай. Зрэшты, нават нарвежцы разумеюць, што санкцый ужо не пазбегнуць.

Канадская Nutrien павялічвае на 0,5 млн тон вытворчасць. Гэта прыкладна палова месячнага экспарту «Белкалію».

Нават кантракты з Кітаем і Індыяй, якія пад санкцыі не падпадаюць, у даларях. І пакуль не вельмі зразумела, як з гэтым быць. Галаваты і К трасуцца ў доміку. Была б магчымасць - ужо б усе ўцяклі ў Расею. Але куму Віці Лукашэнкі нельга пакідаць «Тытанік», у якім ужо далёка не адна прабоіна.

Між тым, па аб'ёмах адгрузкі «Беларуськалій» вырас у параўнанні з 2020 годам на 25 адсоткаў - 7,7 млн тон замест 6,1 млн тон. Звяртае на сябе ўвагу, што аб'ём для некаторых пазіцый вырас у 100 разоў. Напрыклад, экспарт натрыю хлору тэхнічнага вырас на 9828% (з 1 тысячы да 90 тысяч тон), нітрат калію на 3383% (з 0,65 тысячы тон да 19 тысячы тон), соль павараная - на 6535% (з 0,1 тысячы тон да 1,8 тысячы тон).

Таксама звяртае на сябе ўвагу павелічэнне продажаў унутры Беларусі ў асобных пазіцыях. Напрыклад, натрый хлорысты вырас на 1172% (з 17 тысяч тон да 200 тысяч тон). Зразумела, што ніякага росту спажывання ў Беларусі быць не можа. Схема заменчаная на Расею, калі ўгнаенні прыходзяць у калгасы, там спісваюцца, а затым паспяхова прадаюцца ў памежныя расейскія рэгіёны. Нават да ўсяго звыклыя расейскія фермеры часам дзівяцца размаху. Пры патрэбах беларускай сельскай гаспадаркі амаль 300 тысяч тон адгрузкі ў калгасы строга больш за 1 млн тон.

Але план у хунты ранейшы - ноч прастаяць ды дзень пратрымацца. А значыць, бяспека і будучыня завода нікога не хвалюе. Рабочыя, гэта яшчэ адзін сігнал рыхтавацца браць ініцыятыву ў свае рукі. Хай будзе з намі сіла!