Названыя краіны ЕЗ з самым чыстым паветрам у гарадах
1- 11.06.2021, 21:26
- 5,026
Еўразвяз актыўна змагаецца з забруджваннем паветра.
Самае чыстае паветра ў гарадах краін Еўразвязу знойдзенае ў Эстоніі, Фінляндыі і Швецыі. Такія звесткі прыводзіць еўрапейская статыстычная служба Еўрастат, піша euro-pulse.ru.
А вось у гарадах Балгарыі, Польшчы, Румыніі і Харватыі паветра найменш чыстае ў параўнанні з іншымі краінамі ЕЗ.
Агулам жа па Еўразвязу сярэднегадавая канцэнтрацыя дробных часціц у паветры гарадоў паступова зніжаецца, і паветра становіцца чысцейшым.
Колькасць заўчасных смерцяў у ЕЗ праз забруджанае паветра можа знізіцца на 55% да 2030 года, калі краіны Еўразвязу выканаюць усе абавязанні ў барацьбе з забруджваннем паветра.