Як выглядаюць і колькі каштуюць танныя аўто, якія могуць купіць беларусы
6- 12.06.2021, 17:18
- 8,500
Купіць «колы» на хаду сёння можна і за 250 даляраў.
Купіць «колы» на хаду ў Баранавічах сёння можна і за 635 рублёў (250 даляраў у эквіваленце), але колькі на такой машыне можна будзе праездзіць, не вядома. Асноўная праблема ўсіх танных (і не толькі) машын у продажы ў Баранавічах - карозія кузава, піша intex-press.by.
Seat Malaga - 635 рублёў
Гэта самы танны аўтамабіль на хаду, які журналісты знайшлі па абвестках у Баранавічах. Машына 1991 года выпуску, бензінавая, аб'ём рухавіка 1,5 літра. Аўтар аб'явы запэўнівае, што яна на хаду, і што ў ёй стаіць «добры акумулятар, выдатныя заднія шыны, пярэднія шклопад'ёмнікі, сігналізацыя» (хоць, шчыра кажучы, незразумела, хто захоча гэтую машыну зганяць). Галоўны мінус - з'едзены карозіяй кузаў і скрыпучая скрынка перадач.
Fiat Tempra, Volkswagen Jetta II, Nissan Sunny N14 - 762 рублі
За суму, эквівалентную 300 далярам, у абвестках знайшлося адразу тры варыянты.
Самая старая машына - Volkswagen Jetta II, яна 1985 года выпуску. Самая «свежая» - Nissan Sunny 1993 года.
Нягледзячы на ўзрост, «фольксваген» выглядае самым цэлым, хоць у абвестцы не сказана, ці на хаду ён. А вось кузавы двух іншых машын прыкметна пашкоджаны карозіяй.
Fiat Tipo I, Mitsubishi Lancer V GLX - 889 рублёў
Абодва аўтамабілі, калі верыць інфармацыі ў абвестках, на хаду. І ў абодвух асноўная праблема - кузаў.
Адзін з аўтаўладальнікаў - гаспадар Mitsubishi Lancer - гатовы не толькі да продажу, але і да абмену свайго аўто. Праўда, адзіны варыянт, які ён разглядае, гэта «Audi 80 В2 пераходная 1.8 бензін».
Peugeot 309 I - 950 рублёў
Аўтамабіль 1992 года выпуску, з бензінавым рухавіком аб'ёмам 1,1 літра. Уладальнік піша, што аўто кожны дзень на хаду і ў цэлым у добрым стане, «бяда парогі і пярэдняе левае крыло».
Renault 19 I - 1016 рублёў
Аўто 29 гадоў, бензінавы рухавік аб'ёмам 1,7 літра. Гаспадар аўто піша, што ўсе важныя «расходнікі» нядаўна мяняліся і машына на хаду, але кузаў у «жуках».