У Беларусі значна падаражэў даляр
2- 17.06.2021, 14:54
- 38,800
Чым скончыліся таргі беларускай біржы 17 чэрвеня?
Відавочна, амерыканская валюта пачала адваёўваць страчаныя пазіцыі - на таргах Беларускай валютна-фондавай біржы 17 чэрвеня даляр ЗША падаражэў больш чым на дзве капейкі. Гэта адбылося пасля перыяду ўмацавання беларускага рубля. Напярэдадні, у сераду, нацыянальная валюта аслабла нязначна, а ў чацвер больш за ўсё асела да даляра.
Такім чынам, пасля таргоў курс даляра ЗША спыніўся на адзнацы 2,5207 USD/BYN, падаражэўшы на 1,01% (0,0253). Таксама трохі падрос курс расейскага рубля - да 3,4756 бел рубля за 100 расейскіх (+0,24%). А вось да еўра нацыянальная валюта ўмацавалася больш чым на адну капейку - да 3,0125 EUR/BYN (- 0,45%).
Нагадаем, у абменных пунктах курсы валют будуць адрознівацца. Наступныя таргі на біржы адбудуцца ў пятніцу, 18 чэрвеня.
Устаноўлены на іх курс будзе актуальны да панядзелка, 21 чэрвеня.