Ялта сышла пад ваду - струмені вады змываюць аўто: відэа
27- 18.06.2021, 16:24
- 16,780
У анэксаваным Крыме не спыняюцца самыя моцныя ліўні.
У Ялце праз велізарную колькасць ападкаў з берагоў выйшла рака Вадападная. У рэгіёне абвясцілі рэжым НС і пачалі эвакуацыю, піша «Апостроф».
Тое, што адбываецца на вуліцах курортнага горада, нагадвае кадры з фільма-катастрофы. Праз выпадзенне месячнай нормы ападкаў цягам шасці гадзін, з берагоў выйшла рака Вадападная, якая затапіла вуліцы Ялты.
У горадзе пачалася эвакуацыя. Праз паводку абвешчаны рэжым НС - уезд у Ялту цалкам закрыты.
«Цяпер цалкам закрыты ўезд у горад, бо некантраляваная плынь вады проста зносіць аўтамабілі, людзей. Дзякуй богу, няма ахвяр. Я прашу ўсіх заставацца дома, не выходзіць на вуліцу... Мы не ведаем, што будзе ў найбліжэйшыя гадзіны, і можам толькі спадзявацца на лепшае», - сказала «мэр» горада Яніна Паўленка.